تأليف : مصطفى التركي

#استعارة_الجراد أول ظهور للجراد ______________ إوعى تجرّب تحضنه وتكون صديقه ده ممتلك وأناني أجرب لزج بيحب آه لكن تقشعر لما بتسلم عليه تغسل إيديك من كُتر ما اتلبّكت أعرف جرادة مؤنثة قولت لها لأه بكت أنا ذنبي إيه وانا باعشق الفراشات وما احبش الدم التقيل ولا حد يعشق في الخراب وبيفسد الفن الجميل علشان ماحدش يتني كلمة يقولها شوفت الجرادة متباهية بطولها وسربها المفسد في أرض الله وخلق الله يستمتعوا لو سببولك آه كائن قبيح اسمه الجراد لونه مابين أحمر وبين بني وبين أخضر وبين أصفر شعره في كل مكان على جسمه عينه مخيفه وبُقُه بقُقه مخيف ورجله رجله مخيفة وبطنه وضهره في مظهر سخيف أفضل شهورالسنة بالنسبة ليه هو الخريف.